Biz ko‘pincha katta o‘zgarishlarni orzu qilamiz: moliyaviy erkinlik, sog‘lom tana, chuqur bilim, samarali vaqt. Ammo bu orzular bizni ko‘pincha cho‘chitadi — “Qayerdan boshlay?”, “Qanday uddalayman?”, deb o‘ylaymiz. Aslida esa eng katta o‘zgarishlar aynan eng kichik qadamlardan boshlanadi. Har kuni qilinadigan kichik odatlar — bu muvaffaqiyatga yuradigan eng barqaror yo‘ldir.
Kuniga 15 sahifa kitob o‘qisangiz — yiliga 25 ta kitob!
Tasavvur qiling, kuniga atigi 20 daqiqa vaqt ajratasiz. Faqat 15 sahifa. Bu oddiy odat sizni yiliga kamida 25 ta kitob egasiga aylantiradi. Fikrlaringiz kengayadi, so‘z boyligingiz ortadi, hayotga bo‘lgan qarashingiz o‘zgaradi. O‘zingizni bir yil oldingi o‘zingiz bilan solishtirib ko‘ring — farq osmon bilan yerday bo‘ladi.
Kuniga $8 tejash — yiliga $3000 jamg‘arma!
Kofe ichmay qo‘yish emas, faqat har kungi mayda xarajatlarni nazorat qilish. Taksi o‘rniga piyoda yurish, keraksiz onlayn xaridni bekor qilish — va natijada yiliga $3000! Bu nafaqat jamg‘arma, bu sizga tinchlik, xavfsizlik va katta orzularingizga bir qadam yaqinlikdir.
Har kuni 10 000 qadam — yiliga 70 ta marafon!
Jismoniy faollik doimiy quvvat manbai. Har kuni 10 000 qadam — bu yiliga 70 ta marafon masofasini anglatadi! Bu sizga sog‘lik, energiya, bardamlik olib keladi. Sport zaliga borolmasangiz ham, bu oddiy odat orqali siz tanangizga sadoqat ko‘rsatasiz.
Har kuni 1 soat oldinroq uyg‘onish — yiliga 365 soat qo‘shimcha vaqt!
365 soat! Bu — 15 kunlik sof vaqt! Yangi til o‘rganish, biznes boshlash, sport bilan shug‘ullanish yoki shunchaki ichki dunyongizni o‘rganish uchun katta imkoniyat. Bu qo‘shimcha vaqt emas — bu orqaga qaytmaydigan imkoniyat.
Kichik odatlar — katta inqilobning boshlanishi
Kichik odatlar bu — sizni yangi darajaga olib chiqadigan yashirin kuchdir. Ular boshlanishda oddiy, hatto arzimasdek tuyuladi. Ammo vaqt o‘tishi bilan ular sizni tanib bo‘lmas darajaga olib keladi. Siz orzu qilgan inson — o‘sha kunlik odatlaringiz ortida yashirinib yotibdi.
Shunchaki birinchi qadamni tashlang. Ertaga emas — bugun. Endi. Chunki o‘zgarish — bu katta emas, barqarorlikdagi kichik odatlardir.
Siz kimligingiz – bu siz vaqti-vaqti bilan qilgan ishingiz emas, balki har kuni qilgan odatlaringizdir. – Aristotel